ԵՐԵՎԱՆ, 11 դեկտեմբերի — Sputnik. Բրիտանացի Queen ռոք խմբի «Bohemian Rhapsody»–ն դարձել է XX դարի ամենահայտնի ստեղծագործությունը։ Այս մասին Twitter–ի իր էջում հայտնել է Universal Music Group (UMG) երաժշտական հսկան։
Breaking news 🚨 Bohemian Rhapsody by @QueenWillRock has officially become the most-streamed song of the 20th century passing 1.5 billion streams. 👑 pic.twitter.com/utOYWH3S2r
— Universal Music Group (@UMG) 11 декабря 2018 г.
Սթրիմինգային ծառայություններում երգը լսել են ավելի քան 1.5 մլրդ անգամ։
Ստեղծագործության տարածման հարցում մեծ դեր է խաղացել 2018 թվականին նկարահանված «Bohemian Rhapsody» ֆիլմը, որը ներկայացնում է Queen–ի ստեղծման պատմությունը։ Երկու «Ոսկե գլոբուսի» առաջադրված ֆիլմն ամբողջ աշխարհում 596 մլն դոլար է հավաքել։
A Night At The Opera ալբոմի Bohemian Rhapsody երգը, որը 1975 թվականին գրել է Queen խմբի մենակատար Ֆրեդի Մերքյուրին, դարձել է ռոք երաժշտության ամենավաճառվող ստեղծագործություններից մեկը։
Երգը տարբերվում է երաժշտական արտասովոր կառուցվածքով` ակապելա, բալլադ, օպերա, ռոք, որոնք սահուն միահյուսվում են իրար և ավարտվում վերջերգով։ Երաժշտական ստեղծագործությունը երեք անգամ ընդգրկվել է Billboard–ի Hot 100 ցանկում` 1975 թվականին, 1992-ին և 2018–ին։
