ԵՐԵՎԱՆ, 29 նոյեմբերի — Sputnik. ՀՀ Արարատի մարզի Զանգակատուն համայնքում հակառակորդի կողմից այրված ցանքատարածությունների համար բնակիչներին աջակցություն կտրամադրվի։ Նման որոշում է այսօր կայացրել ՀՀ կառավարությունը՝ հերթական նիստի ընթացքում։
Զանգակատուն համայնքի 11 հեկտար չհնձված գարու ցանքատարածություններն այրվել էին հակառակորդի կողմից արձակված կրակոցի հետևանքով։
Սպասվող գարու բերքը 27.5 տոննա էր։ Կառավարությունը փոխհատուցումը հաշվարկել է 1 կգ գարու շուկայական արժեքով՝ 110 դրամով։
Ինչպես կառավարության նիստում հայտնեց տարածքային կառավարման փոխնախարար Վաչե Տերտերյանը, փոխհատուցում կստանան 3 տնտեսություն, որոնք միասին ունեն 11 հա ցանքատարածություն։Կառավարությունը բյուջեից այս նպատակով կհատկացնի 3 025 000 դրամ:
