ԵՐԵՎԱՆ, 28 նոյեմբերի – Sputnik. Նոյեմբերի 27-ին, ժամը 23:37-ին «911» ծառայությունն ահազանգ է ստացել, որ Արմավիրի մարզի Եղեգնուտ գյուղի 1-ին փողոցի թիվ 4 տան դիմաց տնակ է այրվում:
Արտակարգ իրավիճակների նախարարության մամուլի ծառայությունը հայտնում է, որ դեպքի վայր է մեկնել Փրկարար ծառայության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 00:30-ին, մարվել՝ 04:16-ին:
Ամբողջությամբ այրվել է երկաթյա վագոն-տնակը (մոտ 27 քմ)՝ գույքով:
Հրշեջ-փրկարարները ներսում հայտնաբերել են Գ. Կ.-ի (1963թ.) այրված դին:
