ԵՐԵՎԱՆ, 24 նոյեմբերի – Sputnik. Արագածոտնի մարզի Սասունիկ գյուղում կորած 14 տարեկան Դ. Գ.-ն հայտնաբերվել է Երևանում։ Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Ժամը 13:17-ին «911» ծառայությանն ահազանգ է ստացվել, որ կորած երեխան նկատվել է Երևան քաղաքի Հաղթանակ թաղամասի 16-րդ փողոցում:
Նշված վայր է մեկնել ԱԻՆ Փրկարար ծառայության հրշեջ-փրկարարական ջոկատից մեկ մարտական հաշվարկ:
Ժամը 13:46-ին 7-րդ փողոցի տներից մեկի մոտակայքում փրկարարները հայտնաբերել են Դ. Գ.-ին:
Հիշեցնենք` երեխան նոյեմբերի 23-ին, ժամը 20:30-ի սահմանում դուրս էր եկել տանից և չէր վերադարձել։
