ԵՐԵՎԱՆ, 9 նոյեմբերի – Sputnik. Առաջիկա օրերին` նոյեմբերի 9-11-ը, Հայաստանում տեղումներ չեն լինի։ Այս մասին հայտնում է «Հիդրոմետ» ծառայությունը։
Նոյեմբերի 12-ի ցերեկը Լոռիում, Տավուշում, Սյունիքում և Արցախում, 13-ին շրջանների մեծ մասում սպասվում են տեղումներ` ձյան տեսքով:
Օդի ջերմաստիճանը նոյեմբերի 12-13-ի ցերեկը կնվազի 5-6 աստիճանով, Լոռիում, Տավուշում, Սյունիքում և Արցախում՝ 8-10 աստիճանով:
Երևանում նույնպես նոյեմբերի 9-11-ն ընկած ժամանակահատվածում անձրև չի տեղա։ Նոյեմբերի 12-ին սպասվում է ամպամածություն, քաղաքի առանձին հատվածներում հնարավոր է նաև թույլ անձրև, 13-ին ժամանակ առ ժամանակ սպասվում են տեղումներ:
Այսօր` նոյեմբերի 9-ին, մայրաքաղաքում օդի ջերմաստիճանը ցերեկային ժամերին կկազմի 12-14, գիշերային ժամերին` 0-2 աստիճան տաքություն։
