ԵՐԵՎԱՆ, 2 նոյեմբերի – Sputnik. ՀՀ վարչապետի պաշտոնակատար Նիկոլ Փաշինյանը որոշել է հանգստանալ։ Նա այս մասին գրել է Facebook սոցիալական ցանցում։
«Մինչև երկուշաբթի կտրվում եմ բոլոր գործերից: Ձեր թույլտվությամբ՝ ինձ թույլ եմ տալիս փոքրիկ արձակուրդ: Սիրում եմ բոլորիդ»,– գրել է նա։
Փաշինյանի մամուլի խոսնակ Արման Եղոյանը Sputnik Արմենիային հայտնեց, որ սա պաշտոնական արձակուրդ չէ։
«Պարզապես ավելի թեթև գրաֆիկով կաշխատի։ Այսպես է որոշել նա»,– ասաց նա։
Նշենք, որ Փաշինյանը երեկ` նոյեմբերի 1-ին մեկնել է Արցախ։
