ԵՐԵՎԱՆ, 1 նոյեմբերի — Sputnik. 2019թ-ին Հայաստանի բյուջեի եկամուտները կաճեն 9 տոկոսով, ծախսերը՝ 12 տոկոսով։ Այդ մասին ասվում է Հայաստանի պետբյուջեի պարզաբանումներում (ուղերձ), որի քննարկումները սկսել են խորհրդարանում։
Բացարձակ արտահայտմամբ եկամուտները կկազմեն 1 տրիլիոն 491 միլիարդ դրամ 2018թ-ի 1 տրիլիոն 355 միլիարդ սպասվող ցուցանիշի համեմատ։
Այդ թվում հարկային վճարումները նախատեսված են 1 տրիլիոն 399,2 միլիարդ դրամի չափով 2018թ-ի 1տրիլիոն 255,8 միլիարդի համեմատ։ Այսինքն, հարկերի հավաքումը կաճի 11 տոկոսով։
Ծախսերը նախատեսված են 1 տրիլիոն 642 դրամի չափով կամ 2018թ-ի սպասվող ցուցանիշից 12 տոկոսով ավելի։ Սոցիալական ծախսերի բաժինը չի կրճատվի (42,9 տոկոսից մինչև 43,1 տոկոս)։
Բյուջեի դեֆիցիտը մի քիչ կավելանա (103 միլիարդ դրամից մինչև 152 միլիարդ դրամ)։ Այնուամենայնիվ, դա ավելի քիչ է, քան 2016 թ-ին (278 միլիարդ)։ Հանրապետությունը կշարունակի կրճատել ծախսերը՝ պետական պարտքը վճարելու համար։
2019թ-ին հանրապետության կառավարությունը կշարունակի արտասահմանյան վարկեր վերցնել։ Կառավարության պարտքը կաճի 466 միլիոն դոլարով և կկազմի 6 միլիարդ 953 միլիոն դրամ։
Բայց այդ աճի կհաջողվի «մարսել» տնտեսության աճի հաշվին. պարտքի հարաբերակցությունը ՀՆԱ-ի նկատմամբ կնվազի 50,6 տոկոսից մինչև 49,7 տոկոս։ Որպեսզի վարկերի վերադարձն ավելի բարձր լինի, հանրապետությունը հետևում է նախկին բյուջետային կանոնին․ վարկեր վերցնում են միայն զարգացման ծրագրերի համար (ենթակառուցվածքների շինարարություն)։ Ընթացիկ ծախսերը փակելու համար վարկեր են վերցնում ծայրահեղ դեպքում։
Բայց ծախսերը կավելացնեն ոչ միայն վարկային միջոցներից, այլ նաև սեփական ռեսուրսներից։ Ինչպես նշեցինք, հարկերի հավաքումը կավելանա 11 տոկսով, իսկ հարկեր/ՀՀՊ հարաբերակցությունը կաճի մոտավորապես 20,4 տոկոսից մինչև 20,6 տոկոս։
