ԵՐԵՎԱՆ, 28 հոկտեմբերի –Sputnik. Պենտագոնը հոկտեմբերին Գերմանիայում գտնվող ԱՄՆ Ռամշտայն ՌՕՈՒ ավիակայան է մատակարարել մոտ 100 կոնտեյներ՝ տարատեսակ սպառազինությամբ և ռազմական հանդերձանքով։ Այս մասին հայտնում է ՌԻԱ Նովոստին։
Լրատվամիջոցն ընդգծում է, որ ԱՄՆ-ի համար սա 1999 թվականից ի վեր
(երբ ամերիկյան ՌՕՈւ-ն Հարավսլավիա ավելի քան 900 օդային ռեյդ էր իրականացրել) զինամթերքի առաջին խոշոր մատակարարումն է Եվրոպա։
Նշվում է, որ կոնտեյներների պարունակությունը նախատեսված է «ագրեսիվ խաղացողների կողմից հավանական սպառնալիքներին օպերատիվ արձագանքում» ապահովելու համար։
«Ռամշտայն» ավիաբազան ԱՄՆ ՌՕՈւ ամենախոշոր արտասահմանյան հենակետերից է։ Այստեղ է գտնվում նաև Եվրոպայում ԱՄՆ ՌՕՈւ գլխավոր գրասենյակը և, ենթադրաբար, ռազմական անօդաչու սարքերի թռիչքների կառավարման կենտրոնը։
