ԵՐԵՎԱՆ, 23 հոկտեմբեր — Sputnik. Րոպեներ առաջ Ամիրյան-Զաքյան փողոցների խաչմերուկում իրար բախվեցին Nissan Qashqai ավտոմեքենան և Kawasaki մոտոցիկլետը:
Մոտոցիկլիստը ոտքի լուրջ վնասվածքներ էր ստացել: Արագ դեպքի վայր հասած շտապ օգնության խումբը, տեղում առաջին օգնություն ցույց տալուց հետո, նրան տեղափոխեց Էրեբունի բժշկական կենտրոն:
Դեպքի վայր էին հասել նաև ԱԻՆ աշխատակիցները, որոնք արագ հոսանքազրկեցին մեքենան և մոտոցիկլետը:
Տարօրինակն այն էր, որ վթարից առաջ չլսվեցին արգելակի ձայներ, այլ միանգամից լսվեց կոտրվող մետաղի շատ բարձր աղմուկ:
Մոտոցիլետավարը իր մոտոցիկլետից ընկած էր մոտ 7-8 մետր հեռավորության վրա:
Nissan Qashqai-ի վարորդը խուսափեց մեկնաբանություններ տալուց: Ականատեսների խոսքով՝ մեքենան, որի վրա ծառայողական համարանիշներ էին, Վայոց Ձորի նորանշանակ մարզպետ Տրդատ Սարգսյանի եղբորինն է:
