Նարեկ Գալստյան
«Հաշվի առնելով այն հանգամանքը, որ վերջերս ԱԺ ՀՀԿ խմբակցությունը նախաձեռնեց օրենսդրական մի նախագիծ, որով նախատեսում էր ԱԺ նիստը հետաձգել, եթե ֆորս մաժորային իրավիճակ է ստեղծվում, կարծում եմ բավական սպասելի էր Փաշինյանի նախազգուշացումը իր համակիրներին՝ հնարավոր աջակցության անհրաժեշտության մասին»,- Sputnik Արմենիայի հետ զրույցում ասաց ԵՊՀ Քաղաքական ինստիտուտների և գործընթացների ամբիոնի դոցենտ Նարեկ Գալստյանը:
Նա Փաշինյանի այս քայլը գնահատեց որպես «ինքնաերաշխավորում», եթե հանկարծ լինեն չնախատեսված ոչ ցանկալի զարգացումներ:
Այսուհանդերձ, Նարեկ Գալստյանը կարծիք հայտնեց, որ չի պատկերացնում, թե քաղաքական ուժերից որևէ մեկը կարող է նման անհեռատես քայլի գնալ:
