ԵՐԵՎԱՆ, 18 հոկտեմբերի — Sputnik. Նախկին իշխանությունը, որքան էլ սթրեսի մեջ ու մեկուսացած, շարունակում է ապրել բնականոն կյանքով։ Այս մասին գրում է «Հրապարակ» օրաթերթը։
«Երեկ «Օջախ» ռեստորանում հավաքվել է ողջ նախկին էլիտան՝ նշել են ԱԺ ՀՀԿ խմբակցության ղեկավար Վահրամ Բաղդասարյանի թոռան ծնվելը»,- նշված է հոդվածում։
Ըստ թերթի` ներկա են եղել գրեթե բոլոր նախկինները՝ Սերժ Սարգսյանի գլխավորությամբ։
Անգամ ոչ մեկի հետ չշփվող Աղվան Հովսեփյանն է ուշացումով եկել։ Մասնակցել են ՀՀԿ-ից կապերը խզած նախկին վարչապետ Կարեն Կարապետյանը և նույնիսկ՝ Սամվել Ալեքսանյանը:
