ԵՐԵՎԱՆ, 24 սեպտեմբերի — Sputnik. Արարատի մարզում 55 տարեկան Շահեն Գ․-ն կախվել է ծառից։ Shamshyan.com-ը հայտնում է, որ դեպքը տեղի է ունեցել սեպտեմբերի 22-ին։
Ժամը 07։50-ի սահմաններում Ոստիկանության Մասիսի բաժին ահազանգ է ստացվել, որ Արարատի մարզի գյուղերից մեկում ծառից կախված դի կա։
Ոստիկաններն ու քննիչները նշված գյուղի բնակչի տանը հայտնաբերել են ծիրանի ծառից կախված 55-ամյա Շահեն Գ․-ի դին։
Կայքի տեղեկություններով՝ մահացածի մոտ հայտնաբերվել է նամակ, որտեղ մասնավորապես գրված է եղել․ «5 ամիս է` տառապում եմ անքնությամբ, ներվային համակարգս շարքից դուրս է եկել, ոչ մեկին չմեղադրեք, հարգելի ոստիկաններ»։
Փաստի առթիվ Հայաստանի քննչական կոմիտեի Արարատի մարզային քննչական վարչության Մասիսի քննչական բաժնում նյութեր են նախապատրաստվում։
