ԵՐԵՎԱՆ, 11 սեպտեմբերի – Spitnik. Տղամարդը երկու տարի առաջ քաղաքացիություն ստանալու հայտ էր ներկայացրել։ Նրա գործը քննվել էր ու դատարանը եզրակացրել էր, որ հայտը «համապատասխանում է պահանջներին»։
Բայց, Noticia.ru-ն տեղեկացնում է, որ երդմնակալության արարողության ժամանակ պարզվել է՝ մարոկկացին իսպաներեն չգիտի:
Արարողությունը դադարեցվել է ու գործընթացը կասեցվել. ստուգման արդյունքում պարզվել է` երբ տղամարդն առաջին անգամ ներկայացել է քաղաքացիության հարցով զբաղվող դատարան, անհրաժեշտ քննությունները չեն անցկացվել ու սահմանափակվել են անձնական զրույցով։
Իսպանիայի քաղաքացիական օրենսդրությունը սահմանում է, որ իսպանական քաղաքացիություն ստանալ ցանկացողները պետք է ցույց տան քաղաքացիական պահվածքի բարձր մակարդակ ու իսպանական հասարակության մեջ ինտեգրման բարձր աստիճան։ Իշխանությունների կարծիքով` ինտեգրման ապացույցներից մեկը հենց լեզվի իմացությունն է։
