ԵՐԵՎԱՆ, 11 սեպտեմբերի — Sputnik. Սեպտեմբերի 10-ին, ժամը 13.00-ի սահմանում ոստիկանության Մալաթիայի բաժին ահազանգած կինը հայտնել է, որ խորդանոցը մաքրելիս զինամթերք է հայտնաբերել, որոնք ուզում է կամավոր հանձնել:
Ոստիկանության մամուլի ծառայությունից հայտնում են, որ կնոջ տուն մեկնած օպերատիվ խումբը խորդանոցում հայտնաբերեց տարբեր տրամաչափի փամփուշտի 8 արկղ, 10 ինքնաշեն նռնակ, «CC 5300» գրառմամբ ինքնաձիգ և 20 պահունակ:
Ըստ կնոջ հայտարարության` հայտնաբերվածը պատկանել է Արցախյան ազատամարտի մասնակից՝ հանգուցյալ եղբորը։
