Կարեն Քոչարյան
«Նախ պետք է հասկանալ` որտեղից է արված, որ ուժերն են, ում է ձեռնտու։ Սա շատ ավելի կարևոր է, քան բուն փաստը։ Որովհետև, եթե մենք ընկնենք բուն փաստի հետևից, մենք առաջ չենք գնա։ Կարևոր է բացահայտումը, որովհետև մենք ապրում ենք փաստացի չդադարեցված պատերազմի պայմաններում։ Եվ դժվար է այս պարագայում հասկանալ` պատերազմի ժամանակ ում են գաղտնալսում, կամ ով է գաղտնալսում»,–ասաց Քոչարյանը։
Նրա դիտարկմամբ` խոսակցության բովանդակությունը այդքան կարևոր չէ, որքան բացահայտումը, թե ով է արել, ինչի համար է արել, ինչքան է արել։
Հիշեցնենք, որ այսօր համացանցում հայտնվել է Հայաստանի Ազգային անվտանգության ծառայության տնօրեն Արթուր Վանեցյանի և քննչական ծառայության պետ Սասուն Խաչատրյանի հեռախոսազրույցի ձայնագրությունը։
