ԵՐԵՎԱՆ, 4 սեպտեմբերի — Sputnik. Հայաստանն ունի ստեղծարար և ստեղծագործական մտքի մեծ ներուժ, որը հաճախ հմտությունները բավականաչափ չկիրառելու պատճառով ամբողջությամբ չի իրագործվում։ Այդ մասին լրագրողների հետ զրույցում ասաց մշակույթի նախարար Լիլիթ Մակունցը։
Այսօր` սեպտեմբերի 4–ին, կրթության և գիտության նախարար Արայիկ Հարությունյանը, մշակույթի նախարար Լիլիթ Մակունցը Բրիտանական խորհրդի ներկայացուցիչների հետ համաձայնագիր են ստորագրել Creative Spark հնգամյա ծրագրի գործարկման մասին, որը զարգացնում է ձեռնարկատիրական հմտությունները և ստեղծարար տնտեսությունը։
«Մեզ մոտ ընդունված է մտածել, որ իսկական արվեստն անհնար է վաճառել, նյութականացնել, սակայն դա այդպես չէ։ Կարելի է մեծ ստեղծագործություն ունենալ և հաջողությամբ իրագործել այն», – ասաց Մակունցը։
Իր հերթին կրթության և գիտության նախարար Արայիկ Հարությունյանը նշեց, որ մշակույթի և կրթության նախարարությունների առաջին և վերջին համատեղ նախաձեռնությունը չէ։
«Մենք հստակ հասկանում ենք, որ այսօր մենք մշակույթը և արվեստը տարածելու խնդիր ունեն», – ասաց Հարությունյանը։
Նրա խոսքով` հաճախ մշակույթի ներկայացուցիչները հիանալի ստեղծագործություն ունեն, բայց չգիտեն ինչպես այն ճիշտ մատուցեն։ Կարևոր է այդ ամենը սովորել պրոֆեսիոնալներից, ընդգծեց Հարությունյանը։
Ծրագրի շրջանակում 7 երկրներում կստեղծվեն ստեղծարար ձեռնարկատիրության 22 կենտրոններ։ Առաջին տարին դրամաշնորհների համար կհատկացվի 50 հազար ֆունտ ստեռլինգ (մոտ 64 հազար դոլար)։
