ԵՐԵՎԱՆ, 3 սեպտեմբերի — Sputnik. Անհայտ անձը կրակ է արձակել Կալիֆոռնիա նահանգի Սան Բերնարդինո քաղաքի բնակելի համալիրում։ Այդ մասին հաղորդում է Russia Today-ը։
Որոշ տվյալներով` տղամարդը կրակել է համալիրի ընդհանուր գոտում։ Վիրավորվել են 10 մարդ, երեքը ծայրահեղ վիճակում են։ Այս մասին հայտնում է CNN հեռուստաընկերությունը։ ՌԻԱ Նովոստիի տվյալով` դեպքը տեղի է ունեցել քաղաքի կենտրոնում գտնվող գիշերային ակումբներից մեկի մոտ երկու տղամարդկանց վիճաբանությունից հետո։
🚨 Fusillade dans un "complexe d’appartements" à San Bernardino, en #Californie. Au moins 10 blessés, dont 3 dans un état critique. Aucune arrestation, pour le moment. pic.twitter.com/guTwUEOyra
— deSperate (@TBMJ2_) 3 сентября 2018 г.
Տեղի ոստիկանության կապիտան Ռիչարդ Լոուհեդի խոսքով` հրաձգությունը տեղի է ունեցել բնակելի համալիրում, իսկ իրավապահ մարմինները հետախուզում են կասկածյալին։ Կրակողին դեռ չեն ձերբակալել։
Սան Բերնարդինոն գտնվում է Լոս Անջելեսից մոտ 80 կմ հեռավորության վրա։
