ԵՐԵՎԱՆ, 31 օգոստոսի — Sputnik. Դատական կատարածուները Յարոսլավլի մարզի մի բնակչի տանն ավելի քան հինգ տոննա ալկոհոլ են հայտնաբերել «Հայաստանից աստղային հյուրերի համար»։ Այս մասին հայտնում է ռուսական պարբերականը։
31 օգոստոսի 2018, 18:12
Տղամարդու բնակարանում ամենատարբեր տեսակների կոնյակ ու օղի են հայտնաբերել։ Բոլորը Ռուսաստանում հայտնի ապրանքանիշների պիտակներով։
«Նա վստահեցնում էր, որ այդ պաշարները Հայաստանից եկած «աստղերի» համար է, որոնք շուտով հյուր են գալու», – ասել են իրավապահները։
Դատական կատարածուները չեն հավատացել տղամարդուն ու վերցրել են ամբողջը` 5149 շիշ ալկոհոլ։ Ալկոհոլային բոլոր այդ ըմպելիքները չէին համապատասխանում պահանջներին ու հիգիենայի նորմերին։ Ողջ խմբաքանակը ոչնչացվել է։
