ԵՐԵՎԱՆ, 22 օգոստոսի — Sputnik. Հայտնի գեղեցկուհի, «Աշխարհի միսսիս» տիտղոսին արժանացած Յուլյան և նրա ամուսինը` «ԵԱՏՄ երիտասարդ գիտնականները» հասարակական կազմակերպության ղեկավար Բորիս Ավագյանը, իրենց առաջնեկին Հայաստանում են մկրտել։ Այս մասին հայտնում է Սթարհիթ պարբերականը։
Մկրտությունն անցել է Սուրբ Զորավոր եկեղեցում։ Փոքրիկ Ռոբերտը, որը ծնվել է անցած տարվա հունվարին, առաջին անգամ է հանրության առաջ հայտնվել։ Բորիսի և Յուլյայի ավագ որդու կնքահայրը Իգոր Ալեյնիկովն է, որը երկար տարիներ աշխատել է երեխայի հոր հետ։
«Միսսիս Սանկտ Պետերբուրգ 2012» գեղեցկության մրցույթի և «Աշխարհի թագուհի 2014» միջազգային գեղեցկության մրցույթի հաղթող Յուլյան եկեղեցի է գնացել սպիտակ զգեստով, հետո փոխել է ու կապույտ ժանյակազարդ զգեստ հագել։ Արարողությանը մասնակցել են ինչպես Ավագյանի նախկին գործընկերները, այնպես էլ բարեկամները։
Ինչպես գրում է պարբերականը, եկեղեցական արարողության ավարտից հետո զույգը շքեղ տոնախմբություն է կազմակերպել Երևանի Florence ռեստորանում։
Տոնակատարությանը ելույթ են ունեցել ռուսական և հայկական էստրադայի աստղեր` Սոսո Պավլիաշվիլին, Տատյանա Կոտովան և այլ աստղեր։
Միկրոկենսաբանության ոլորտում պապի (խորհրդային գիտնական Բորիս Պետրովիչ Ավագյան, ԽՍՀՄ առաջին ակադեմիկոս, որն այդ կոչումը Իտալիայում էր ստացել) գիտական պատենտների վաճառքից ստացված հարուստ ժառանգության տեր լինելով` Բորիս Ավագյանը շարունակում է ընտանեկան ավանդույթները` կյանքի կոչելով տնտեսական տեսության վրա հիմնված գաղափարները։ Բորիս երկար տարիներ աշխատել է Ռուսաստանի պետական ապարատում։
