ԵՐԵՎԱՆ, 9 օգոստոսի — Sputnik. «Գառնի առողջության կենտրոն» ՊՈԱԿ-ի տնօրենի նախկին պաշտոնակատարը յուրացրել է 2.330.000 դրամի բժշկական պարագաներ և սարքավորումներ, որոնք առողջության կենտրոնը որպես մարդասիրական օգնություն էր ստացել: Նման բացահայտում են արել ոստիկանության Կոտայքի բաժնի աշխատակիցները։
Ոստիկանությունը հայտնում է, որ նշված փաստով նյութեր են նախապատրաստվում։
Հիշեցենք` 2018թ–ի ապրիլի 29-ին Կոտայքի արդեն նախկին մարզպետ Կարապետ Գուլոյանն այցելել էր «Գառնիի առողջության կենտրոն» ՊՈԱԿ` ծանոթանալու պետական ֆինանսավորմամբ իրականացվող հիմնանորոգման աշխատանքներին։
Պաշտոնական հաղորդագրության համաձայն` այցի ընթացքում մարզպետը «Գառնիի առողջության կենտրոնի» աշխատակիցների հետ քննարկել էր առողջապահական ծառայությունների մատուցման և հաստատության գործունեությունն արդյունավետ կազմակերպման հարցեր, տվել հանձնարարականներ։
