ԵՐԵՎԱՆ, 6 օգոստոսի — Sputnik. Ռուս-վրացական սահմանային անցակետում վիճակը դեպի կարգավորում է գնում:
Այս մասին տեղեկացնում է Դոնի Ռոստովում ՀՀ գլխավոր հյուպատոս Վարդան Ասոյանը:
«Վերին Լարս»-ի անցակետում ստեղծված իրավիճակի շուրջ Ասոյանը բանակցություններ է վարել ռուսաստանյան սահմանապահ և մաքսային մարմինների ներկայացուցիչների հետ՝ բեռնատար և մարդատար ավտոմեքենաների և առաջնահերթ՝ մանկահասակ ու մեծահասակ ուղևորներ ունեցողներին անցակետով բացթողնումն արագացնելու նպատակով։
Ներկայումս անցակետում գոյացած հերթը նվազել է՝ տեղեկացնում է հյուպատոսը:
