ԵՐԵՎԱՆ, 6 օգոստոսի — Sputnik. Աուրելիա Դունդուկը` Մոսկվայում սեփական հոր սպանության մեջ մեղադրվող Խաչատուրյան երեք քույրերի մայրը, հայտնել է, որ իրենց համատեղ կյանքի ընթացքում փորձել է ոստիկանություն դիմել ամուսնու բռնությունները կանխելու համար։
Բայց նա խոստովանել է, որ ոստիկանությունը որևէ միջոց չի ձեռնարկել։
«Դեպքեր են եղել, երբ նա (Միխայիլ Խաչատուրյանը) ոստիկանությունում ինձ ծեծի է ենթարկել, քանի որ կապեր ուներ ամենուր։ Ու դրանից հետո նույնիսկ գործը դիմում գրելու չէր հասնում։ Ոչ դիմում է եղել, ոչինչ չի եղել, ոչ ոք չի միջամտել։ Նա շատ մտերիմ էր մեր բաժանմունքի պետի հետ, այդ պատճառով էլ նրան ամեն ինչ ներվում էր», – ասաց քույրերի մայրը` Աուրելիա Դունդուկը «Կոմսոմոլսկայա պրավդա» ռադիոկայանի եթերում։
Այն հարցին` ինչու աղջիկները չեն փորձել փախչել, հորը սպանելու փոխարեն, կինն ասել է, որ նրանք վախենում էին։
«Նա սպառնում էր, ասում էր. «Ուր էլ գնաք, ինչ էլ անեք, ես ձեզ կգտնեմ և բոլորի աչքի առաջ կսպանեմ», – ասել է Դունդուկը։
Աղմկահարույց սպանությունը տեղի է ունեցել Մոսկվայի հյուսիս–արևելքում հուլիսի 27-ին։ Քննության վարկածով, քույրերը հարձակվել են հարազատ հոր վրա, երբ նա քնած է եղել ճոճվող բազկաթոռին։ Հարցաքննության ժամանակ աղջիկները խոստովանել են մեղքը և պարզաբանել, որ «նրանք հոր հետ վատ հարաբերություններ են ունեցել երկար տարիների ընթացքում իրենց բարոյական տանջանքներ պատճառելու համար»։
Ավելի ուշ, միջնեկ քույրը` Անգելինան, ով 18 տարեկան է, հայտնել է, որ հայրը ծաղրել և սեռական բնույթի ոտնձգություններ է իրականացրել նրանց նկատմամբ։
