ԵՐԵՎԱՆ, 6 օգոստոսի — Sputnik. Սեփական հորը սպանած Խաչատուրյան քույրերին Մոսկվայի քննչական մեկուսարանում տարբեր խցերում են տեղավորել, ընդ որում` ավագին և կրտսերին միայնակ են պահում։ Այս մասին ՌԻԱ Նովոստիին
«Աղջիկները N6 քննչական մեկուսարանում են։ Նրանց անմիջապես տարբեր բանտախցեր են տեղաբաշխել, ներկա պահին կարանտինի շրջան է։ Կրտսեր և ավագ քույրերը միայնակ են, մյուս քրոջ հետ նույն խցում ևս երկու հոգի կան։ Նրանց համար ապահովել են ընդհանուր պայմաններ, սակայն մինչ օրս քույրերն անհրաժեշտ անձնական իրեր չունեն», – ասել է նա։
Իրավապաշտպանի խոսքով` քույրերը մինչև հիմա շոկի մեջ են և՛ իրավիճակից, և՛ նրանից, որ նրանց առանձին բանտախցերում են նստեցրել։
«Նրանք մտահոգված են իրենց, իրենց մոր, հարազատների համար, որոնց վրա կարող է անդրադառնալ այս հետաքննությունը։ Պետք է հասկանալ, որ նրանք մանկուց միասին են եղել և այժմ շատ են վախենում նման պայմաններում մենակ գտնվելուց», – նշել է Մելնիկովը։
Նա նաև ավելացրեց, որ Մոսկվայի հասարակական դիտորդական հանձնաժողովը, հաշվի առնելով սպանված հոր գործունեության վերաբերյալ տարածված լուրերը, խնդրել է մեկուսարանի ղեկավարությանը ապահովել աղջիկների անվտանգությունը։
Աղմկահարույց սպանությունը տեղի է ունեցել Մոսկվայի հյուսիս–արևելքում հուլիսի 27-ին։ Քննության վարկածով, քույրերը հարձակվել են հարազատ հոր վրա, երբ նա քնած է եղել ճոճվող բազկաթոռին։ Հարցաքննության ժամանակ աղջիկները խոստովանել են մեղքը և պարզաբանել, որ «նրանք հոր հետ վատ հարաբերություններ են ունեցել երկար տարիների ընթացքում բարոյական տանջանքներ պատճառելու համար»։
Ավելի ուշ, միջնեկ քույրը` Անգելինան, ով 18 տարեկան է, հայտնել է, որ հայրը ծաղրել և սեռական բնույթի ոտնձգություններ է իրականացրել նրանց նկատմամբ։
