ԵՐԵՎԱՆ, 4 օգոստոսի — Sputnik. Եվգենի Պետրոսյանի ու Ելենա Ստեպանենկոյի ընտանիքի սկանդալը նոր զարգացումներ է ստանում։ Երգիծաբանի փաստաբանն այդ իրադարձությունների իր վարկածն է ներկայացրել։ Այս մասին հայտնում է Mash տելեգրամ ալիքը։
Նշվում է, որ այս պատմությունն ամենևին էլ ծիծաղելի չէ։ Փաստաբան Սերգեյ Ժորինը ընդգծում է, որ Պետրոսյանն ու Ստեպանենկոն արդեն 15 տարի է փաստացիորեն ամուսնացած չեն։ Ամուսիններն առանձին են ապրում` ամեն մեկն իր կյանքով։
Նրա խոսքով՝ մինչ վերջերս ամեն ինչ կարգին էր, սակայն, ինչ-որ «բեղերով մարդիկ» են հայտնվել ու համոզել են Ելենա Ստեպանենկոյին ունեցվածքը բաժանելու գործընթաց սկսել։
Ընդ որում, փաստաբանի խոսքով, առաջարկվել է հավասար կիսել ամեն ինչ։ Կես տարի կողմերը բանակցում էին, բայց դա արդյունք չտվեց։ Հիմա Ստեպանենկոն ուզում է ամեն ինչ իրեն վերցնել։
Հիշեցնենք՝ ավելի վաղ Պետրոսյանի փաստաբանը պատասխան հայց էր ներկայացրել, որով խնդրում էր ունեցվածքը հավասար կիսել։ Նա հայտնել էր, որ Պետրոսյանն առաջին հերթին ուզում է ամուսնալուծվել։
