ԵՐԵՎԱՆ, 30 հուլիսի — Sputnik. Վրաստանի Սահմանադրական դատարանը բավարարել է «Գիրչի» կուսակցության բողոքը՝ մարիխուանա օգտագործելու համար բոլոր պատժամիջոցների վերացման վերաբերյալ:
Այս մասին տեղեկանում ենք Վրաստանի Սահամանադրական դատարանի կայքից:
Դատարանը գտնում է, որ մարիխուանայի օգտագործման բոլոր պատժամիջոցները հակասահմանադրական են:
Վրաստանում այժմ գործող օրենքով մարիխուանա օգտագործելու համար նախատեսվում է 500 լարի տուգանք, իսկ կրկնության դեպքում` 1-6 ամիս ուղղիչ աշխատանք:
Հիշեցնենք, դեռ 2017 թվականի նոյեմբերի 30-ին Վրաստանի Սահմանադրական դատարանը հակասահմանադրական էր ճանաչել մարիխուանա օգտագործելու համար քրեական պատիժը:
Որոշումից հետո մարիխուանա օգտագործելու համար միայն վարչական պատիժ էր կիրառվում:
