ԵՐԵՎԱՆ, 26 հուլիսի — Sputnik. Sputnik Ղազախստանի թղթակից Ժանիա Ուրանկաևան անձամբ շփվել է «Միսս ԱՊՀ» մրցույթի մասնակիցների հետ, որն այս տարի ընթանում է Աստանայում։
Ինչպե՞ս մեր թխահեր գեղեցկուհին. ներկայացված է ղազախստանցի գործընկերների նյութում։
Հայաստանն այս տարի ներկայացրել է Ռոմելլա Թամարյանը։ Աղջիկը վատ է խոսում ռուսերեն, բայց, չնայած լեզվական արգելքին, նա հասցրել է ընկերանալ մյուս մասնակիցների հետ։ Ռոմելլան ծրագրում է արձակուրդի ժամանակ հյուր գնալ «Միսս ԱՊՀ 2018»-ի մասնակիցներին։ Քիչ էր մնացել, որ նա բաց թողնի մրցույթը. աղջիկն Աստանա է մեկնել գրեթե հիվանդանոցից։
Մեկնելուց մի քանի օր առաջ նա կյուրաղիքը հեռացնելու վիրահատություն է տարել։
«Միսս ԱՊՀ 2018» միջազգային մրցույթը տեղի է ունենում Աստանայում հուլիսի 17-27–ը։ ԱՊՀ ամենագեղեցիկ աղջկա տիտղոսի համար կպայքարեն 19 գեղեցկուհիներ Ղազախստանից, Ռուսաստանից, Վրաստանից, Ղրղըզստանից, Ուկրաինայից, Լատվիայից, Տաջիկստանից, Բելառուսից և Ուզբեկստանից։
Վրաստանը, Լատվիան և Ուկրաինան ԱՊՀ անդամներ չեն, ուստի այդ երկրների ներկայացուցիչները մրցույթին հրավիրվել են որպես հատուկ մասնակիցներ։
