ԵՐԵՎԱՆ, 19 հուլիսի — Sputnik. Նախկինում որոշ ԲՈՒՀ-եր ու ուսումնական այլ հաստատություններ ուղղորդել են իրենց աշխատակիցներին հաշիվներ բացել կոնկրետ բանկերում և իրենց աշխատավարձերը ստանալ այդ բանկերի քարտերով: Facebook սոցիալական ցանցի իր էջում գրել է ՀՀ կրթության և գիտության նախարար Արայիկ Հարությունյանը։
«Այդ ուսումնական հաստատությունների ղեկավարներին կոչ եմ անում այսուհետ զերծ մնալ նման ուղղորդումներից և չխոչընդոտել իրենց աշխատակիցներին օգտվել այլ բանկերի ծառայություններից»,- նշել է նա:
Գրառման վերջում նախարարը շնորհակալություն է հայտնել համագործակցության համար:
