ԵՐԵՎԱՆ, 16 հուլիսի — Sputnik. Եվրամիությունն ավելացրել է Հայաստանի ֆինանսական աջակցությունը, և դա դեռ ամենը չէ։ Այս մասին այսօր լրագրողներին ասաց ԵՄ պատվիրակության ղեկավար, դեսպան Պյոտր Սվիտալսկին:
Նա նշեց, որ 2018-20 թվականների համար Հայաստանի ֆինանսավորումը 140-160 միլիոն եվրո կկազմի։ Դա 25%–ով գերազանցում է նախորդ եռամյա ծրագիրը։
Աջակցության հստակ գումարը կազմված է այն ծրագրերից, որոնք Հայաստանը պատրաստ կլինի ներկայացնել։ Հիմնական, բազմամյա ֆինանսավորման ծրագրից (Multiannual financing framework) բացի այլ աղբյուրներ էլ են միջոցներ տրամադրվելու։
«Մեզ հաճախ են հարցնում` որքա՞ն գումար է Եվրոպան պատրաստ տրամադրել Հայաստանին։ Իրականում խոսքը ոչ թե գումարի, այլ այն նախագծերի մասին է, որոնք մեզ կներկայացնի հայկական կողմը։ Մենք պատրաստ ենք աջակցել այն նախագծերին, որոնք կյանքն այս երկրում որակապես դեպի լավն են փոխում», – հավելեց Սվիտալսկին։
Նա հիշեց, որ 2017 թվականից միջոցները տրամադրվում են արդեն ոչ որպես ընդհանուր բյուջետային աջակցություն։ Աջակցություն են տրամադրում թիրախային ծրագրերին ու դրանք իրականացնող կազմակերպություններին։
«Մենք դա անում ենք կոռուպցիոն ռիսկերը կանխելու համար», – ընդգծեց նա։
Աջակցության ծրագրերի առջև նախկինի պես կոռուպցիայի դեմ պայքարելու խնդիրներ են դրվելու։ Դրանցից մեկն արդեն իրագործված է. Հայաստանում արդեն անանուն իրազեկիչների (whistleblowers) վերաբերյալ օրենսդրություն է ընդունել։ Նրանք հայտնում են պետական ապարատի թերությունների կամ խախտումների մասին։