ԵՐԵՎԱՆ, 1 հուլիսի — Sputnik. Նախօրեին թուրքական ռազմական օդուժը ավիահարվածներ է հասցրել Իրաքյան Քրդստանի Թուրքիայի հետ սահմանի լեռնային հատվածներին:
Ավիահարվածների հետևանքով կան քաղաքացիական զոհեր, որի մասին էլ հայտնել է Սորանի ոստիկանությունը. մասնավորապես նշվում է 19-ամյա աղջկա զոհվելու մասին:
«Հալանաիա գյուղի տարածքում, որը գտնվում է թուրք-իրաքյան(քրդական) սահմանին, թուրքական ռազմական օդուժի ավիահարվածների հետևանքով զոհվել է խաղաղ բնակիչ 19-ամյա Շերվան Մազինը»,- հայտնում է Սորանի ոստիկանության մամլո խոսնակ Հավար Արգուշին:
Թուրք-քրդական հակամարտության հարցերով փորձագետ Կարեն Հովհաննիսյանն իր ֆեյսբուքյան գրառման մեջ նշում է, որ վերջին շրջանում Թուրքիան սկսել է ինտեսիվ ավիահարվածներ հասցնել Իրաքյան Քրդստանին:
