Գագիկ Սուրենյան
Հունիսի 26-ից Հայաստանի օդերևութաբանական իրադրությունը կտրուկ կփոխվի։ Գագիկ Սուրենյանի խոսքով` այսօր վերջին օրն է, որ Հայաստանի հյուսիսային շրջաններում տեղումներ կլինեն, վաղվանից սևծովյան ցիկլոնները, որոնք գրեթե ամբողջ ամսվա ընթացքում ժամանակ առ ժամանակ տեղափոխվում էին Հայաստան և անձրևներ բերում, իրենց տեղը կզիջեն Իրաքից ներթափանցող հոսանքներին։
«Վաղվանից օդի ջերմաստիճանը կշարունակի բարձրանալ, և հունիսի 29-ին և 30-ին հանրապետության հովտային գոտիներում կանխատեսվում է մինչև 40 աստիճան տաքություն»,- նշեց Սուրենյանը։
Հունիսի 26-ից սկսած` հանրապետության ամբողջ տարածքում օրերը կանցնեն առանց տեղումների։
Ըստ Սուրենյանի` հրդեհավտանգ իրավիճակից խուսափելու համար քաղաքացիները պետք է շատ զգոն լինեն։
