ԵՐԵՎԱՆ, 18 հունիսի — Sputnik. Նախագահի աշխատակազմի հասարակայնության և տեղեկատվության միջոցների հետ կապերի վարչությունից տեղեկացնում են, որ Տիրան Խաչատրյանը նշանակվել է զինված ուժերի գլխավոր շտաբի օպերատիվ վարչության պետ, զինված ուժերի գլխավոր շտաբի պետի տեղակալ:
Արմեն Սարգսյանի մեկ այլ հրամանագրով Անդրանիկ Մակարյանը նշանակվել է ԶՈւ մարտական պատրաստության վարչության պետ, զինված ուժերի գլխավոր շտաբի պետի տեղակալ:
Ժիրայր Պողոսյանը նախագահի հրամանագրով նշանակվել է պաշտպանության նախարարության առաջին բանակային կորպուսի հրամանատար, փոխարինելով նախագահի հրամանագրով այդ պաշտոնից ազատված Արարատ Մելքումյանին:
Արմեն Սարգսյանի հրամանագրով հինգերորդ բանակային կորպուսի հրամանատար է նշանակվել Անդրանիկ Փիլոյանը:
