ԵՐԵՎԱՆ, 15 հունիսի — Sputnik. ՀՀ պաշտպանության նախկին նախարար Վիգեն Սարգսյանն ազատվեց «Զինծառայողների ապահովագրության» հիմնադրամի հոգաբարձուների խորհրդի նախագահի պաշտոնից: Այդ մասին որոշումն ընդունվեց կառավարության այսօրվա նիստում։
Որոշման նախագիծը կառավարությանն էր ներկայացրել ՀՀ պաշտպանության նախարար Դավիթ Տոնոյանը:
Նախագծի համաձայն՝ Վիգեն Սարգսյանի փոխարեն հոգաբարձուների խորհրդի նախագահ կնշանակվի Դավիթ Տոնոյանը:
Որոշման նախագծի ընդունումը պայմանավորված է նրանով, որ Կառավարության կազմի փոփոխության արդյունքում ՀՀ պաշտպանության նախարար է նշանակվել Դավիթ Տոնոյանը, որի արդյունքում անհրաժեշտություն է առաջացել փոփոխություն կատարել Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման հիմնադրամի հոգաբարձուների խորհրդի անվանական կազմում:
