«Նրանք բռնել էին պատգամավորի ձեռքերից ու ոտքերից և պարզապես քարշ էին տալիս մատաղացու գառան պես», – տեսանյութի տակ նման մեկնաբանություն է թողել օգտատերերից մեկը։
Բերման ենթարկվող պատգամավորն էլ տեսանյութում պատմում է, որ իր նկատմամբ բռնություն է կիրառվում։
«Բռնել էին կոկորդից և խեղդում էին։ Ես ընդամենը փորձ արեցի ինձ ազատելու, բայց արդյունքում ինձ այսպես առևանգել և տանում են անհայտ ուղղությամբ»,– ասել է Նադիրաձեն։
Հիշեցնենք, որ 2017 թվականի դեկտեմբերի 1-ին դանակահարության հետևանքով Թբիլիսիում երկու դեռահաս էր մահացել` 16-ամյա Դավիթ Սարալիձեն և ԼևանԴադունաշվիլին։ Գործի շրջանակներում երկու անձ էր ձերբակալվել, նրանցից մեկին դատարանը մեղավոր ճանաչեց Դադունաշվիլու կանխամտածված սպանության մեջ, իսկ երկրորդին` Սարալիձեին սպանելու փորձում։
Դրանից հետո` Թբիլիսիում մայիսի 31-ին բողոքի ակցիաներ սկսվեցին։
Կիրակի Ռուսթավելու պողոտայում խորհրդարանի շենքի մոտ կրկին ակցիա տեղի ունեցավ, վրանների էին խփվել, որոնք այսօր ապամոնտաժվել են։ Ակցիան վերսկսեց ժամը 14:00–ից։
Արդյունքում քաշքշուկ սկսվեց, որն ավարտվեց Նադիրաձեին և Վրաստանի խորհրդարանի «Միասնական ազգային շարժում» ընդդիմադիր կուսակցության պատգամավոր Նիկա Մելիին բերման ենթարկելով։
Ակտիվիստները տարբեր պահանջներ էին առաջ քաշում` Վրաստանի վարչապետ Գեորգի Կվիրիկաշվիլու հրաժարականից մինչև Վրաստանի ՆԳՆ ղեկավար Գեորգի Գախարիայի հրաժարականը։
