ԵՐԵՎԱՆ, 8 հունիսի — Sputnik. ԱՄՆ–ի առևտրային սահմանափակումներն ազդել են Հայաստանից ալյումինե նրբաթիթեղի արտահանման վրա։ Այս մասին Sputnik Արմենիայի թղթակցի հետ զրույցում ասաց Տնտեսական զարգացման ներդրումների նախարարության ճյուղային տնտեսության քաղաքականության վարչության պետ Արմեն Եգանյանը։
Հայաստանից ԱՄՆ արտահանման 70%–ը կազմում է «Ռուսալ Արմենալ» գործարանի արտադրած ալյումինե նրբաթիթեղը։ 2017 թվականին նրբաթիթեղի արտահանումը Միյացյալ նահանգներ կազմել է մոտ 47,2 միլիոն դոլար։ Գործարանի 100%–ոց սեփականատերը «Ռուսալ» կորպորացիան է։ Դրա ամենախոշոր բաժնետերը En+ հոլդինգն է, որում ամենախոշոր բաժնետերը Օլեգ Դերիպասկան է։
Հիշեցնենք` մայիսի վերջին Դերիպասկան դուրս է եկել «Ռուսալի» տնօրենների խորհրդից, ու հիմա ընկերությունում նրա բաժինը 50%–ից պակաս է։
«Հիմա «Ռուսալ Արմենալը» բանակցություններ է վարում ամերիկյան կողմի հետ` ԱՄՆ մատակարարումը չդադարեցնելու շուրջ։ Նախարարությունը պատրաստակամություն է հայտնել օգնել երկխոսության հարցում։ Հուսով եմ` դա մեզ կհաջողվի», – նշեց Եգանյանը։
Ազգային վիճակագրական կոմիտեի տվյալների համաձայն` 2018 թվականի ապրիլին նրբաթիթեղի արտահանումը կրճատվել է։ Հունվար–մարտին այն կազմել է ամսական 2,8 – 3 հազար տոննա, իսկ ապրիլին` 2 հազար տոննայից պակաս է եղել։
Այնուամենայնիվ` հունվար–ապրիլ ամիսներին նրբաթիթեղի արտահանումը գրեթե 10%–ով աճել է։ Մեծ մասամբ այն պատճառով, որ Եվրամիությունում հաճույքով դա գնում են. 2017 թվականին Գերմանիան 29 միլիոն դոլարի նրբաթիթեղ է գնել, Լեհաստանը` 7,2 միլիոնի, Նիդեռլանդները` 5,4 միլիոնի, Իտալիան` 2 միլիոնի, Ֆրանսիան ու Ավստրիան` մեկուկեսական միլիոնի։ 2018 թվականին ձեռնակրությունն ընդլայնել է արտահանումը ԵՄ` ամերիկյան շուկայում առաջացած դժվարությունները փոխհատուցելու համար։
