ԵՐԵՎԱՆ, 3 հունիսի — Sputnik, Անի Լիպարիտյան. Հայաստանում կլոր տարին զբոսաշրջային սեզոնը է, բայց օտարերկրյա հյուրերն ավելի հաճախ երկիր են այցելում ամռանը և աշնանը։ Հիմնական պատճառը բանջարեղենը և հյութեղ մրգերը փորձելն է, ինչպես նաև կոնյակի և գինու նրբաճաշակ համը վայելելը։
Վիճակագրական տվյալների համաձայն՝ 2017թ.-ի ընթացքում Հայաստանում արտադրվող գինու ծավալն աճել է 30 տոկոսով՝ կազմելով 8 852,5 լիտր, իսկ դա արդեն լավ ցուցանիշ է։
Տարածաշրջանային կրքեր
Իհարկե, հարևան բարեկամական Վրաստանում արտադրվող գինու որակի և համի մեջ ոչ ոք չի կասկածում։ Սակայն մերոնք էլ առաջ գնացել այս գործում։ Armenia Wine ընկերության մարքեթինգի բաժնի ղեկավար Անժելիկա Գասպարյանը ներկայացրեց, թե ինչպիսի բարդությունների հետ կարող է բախվել հայկական արտադրության գինին։
«Հաշվի առնելով այն, որ Հայաստանում գինու բիզնեսը նոր-նոր է սկսել զարգանալ, կարելի է ասել, որ ճանաչելիությունը վատ չէ, քանի որ մեր արտադրողներն արտահանում են գինին Ռուսաստան, Իսրայել, Չինաստան, Ճապոնիա և ուրիշ երկրներ։ Այն կարող է մրցունակ դառնալ։ Եվ մենք արդեն այդ ճանապարհին ենք», — ասաց Գասպարյանը։
Ֆրանսիացիները և իտալացիներն արտադրում են էժան գին, բայց նրանց համար ավելի հեշտ է այդ հարցում, քանի որ Ֆրանսիայում և Իտալիայում դարերով զբաղվում են գինեգործությամբ, կարծում է փորձագետը։ Ինչ վերաբերում է մեր հարևաններին՝ վրացիներին, ապա խորհրդային շրջանում նրանք եղել են տարածաշրջանում գինու գլխավոր արտադրողները։
«Իսկ մենք այդ ժամանակ արտադրում էինք կոնյակ։ Բայց կա մի «բայց»։ Ճիշտ նույն կերպ, եթե Վրաստանում սկսեն կոնյակ արտադրդել, ապա նրանց համար բարդ կլինի այն վաճառելը», — ասաց Sputnik Արմենիայի զրուցակիցը։
Կինո, գինի և զբոսաշրջություն
Հայաստանում գինու զբոսաշրջությունը նոր-նոր է գտնվում է զարգացման փուլում՝ չնայած, ինչպես պնդում են գիտնականները,
որ մեր երկրի տարածքում գինեգործությամբ սկսել են զբաղվել դեռ 6000 տարի առաջ:
«Հայաստանում հիմա արտադրվում է լավ, որակյալ գինի, որը սկսել են ճանաչել նաև մեր երկրի սահմաններից դուրս։ Այդ առումով կարևոր է տարբեր միջոցառումների և գինու փառատոնների անցկացումը։ Դրանք հենց այն հարթակներն են, որոնք զբոսսաշրջիկներ են հավաքում», — նշեց Գասպարյանը։
Նա կարծում է, որ եթե հայկական գինիները ներկայացվեն արտասահմանում, ապա շատերի մոտ ցանկություն կառաջանա ժամանել Հայաստան, տեսնել, թե որտեղ է արտադրվում այդ խմիչքը։
Այդ առումով չի կարելի թերագնահատել դեպի գինեգործարաններ կազմակերպվող տուրերը, որտեղ հյուրերը կարող են տեսնել գինու ստեղծման գործընթացը և համտեսել խմիչքը։ Նա հույս հայտնեց, որ Հայաստանի հեղափոխությունից հետո մեզ մոտ ավելի շատ զբոսաշրջիկներ կգան։
Նախկին կառավարությունը նպատակ էր դրել համաշխարհային մակարդակով ճանաչելի դարձնել հայկական գինին։
Ներկա վարչապետ Նիկոլ Փաշինյանը նույնպես արդեն քայլ է արել՝ հայտնվելով Yerevan Wine Days-ում և իրարանցում առաջացնելով գինու տոնի այցելուների մեջ։ Դա տեղական արտադրության գինու լավ գովազդ է դարձել, քանի որ վարչապետի վարկանիշը շատ բարձր է։
