ԵՐԵՎԱՆ, 1 հունիսի — Sputnik. Ամերիկացի թենիսիստուհի Սերենա Ուիլյամսը` միլիոնատեր Ալեքսիս Օհանյանի կինը, իրեն պատվավոր հայուհի է համարում։
Ubitennis սպորտային կայքը Twitter սոցիալական ցանցի իր էջում գրել է, որ Ուիլյամսը հայերի մասին շատ բան գիտի, և այդ տեղեկությունները ստանում է հայ ամուսնուց։
«Ես պատվավոր հայուհի եմ։ Ինձ դուր է գալիս, որ նրանք այդքան հպարտ են», — ասել է թենիսիստուհին։
Ուիլյամսը նաև հաղորդել է, որ պատրաստվում է այցելել Հայաստան, բայց առայժմ չգիտի` այս տարի, թե հաջորդ։
«Ուրախ կլինի», — վստահ է Սերենան։
Տիտղոսակիր թենիսիստուհի, «Մեծ սաղավարտ» մրցաշարի 23-ակի հաղթող Սերենա Ուիլյամսն ամուսնացել է միլիոնատեր, Reddit կայքի համահիմնադիր Ալեքսիս Օհանյանի հետ։ Ասում են` Ալեքսիսը նրա «ամենաաղքատ» երկրպագուն է եղել։ 2017 թվականի սեպտեմբերի 1-ին ծնվել է նրանց դուստրը։
