ԵՐԵՎԱՆ, 23 նոյեմբերի — Sputnik. Աշխարհի լավագույն թենիսիստուհի Սերենա Ուիլյամսը իր դստեր Instagram-ի էջում ցույց է տվել ամուսնուց նվեր ստացած շքեղ ադամանդյա մատանին։
Հիշեցնենք, որ թենիսիստուհին վերջերս է ամուսնացել հայազգի միլիոնատեր Ալեքսիս Օհանյանի հետ:
Նկարում փոքրիկ Օլիպիան մոր ծնկներին է։ Նրանք երկուսն էլ կրում է վագրակերպ հագուստ։ Սերենան նկարին տվել է հետևյալ նկարագրությունը. «Հայրիկը գիտի, թե ես որքան եմ սիրում վագրակերպ հագուստ»։
Մյուս նկարում թենիսիստուհին ցուցադրել է իր Alexander McQueen հարսանեկան զգեստն ու շնորհակալություն հայտնել նրանց, ովքեր օգնել են ընտրել հենց այս զգեստը։ «Նրանով ես ինձ արքայադուստր էի զգում»,–գրել է Սերեն Ուիլյամսը։
Հիշեցնենք, որ Ուիլյամս-Օհանյան զույգը հանդիպում է 2015թ.-ից: Նրանք նշանադրվել են 2016թ., իսկ ընթացիկ տարվա սեպտեմբերի մեկին ծնվել է նրանց առաջնեկը:
Նրանց պսակադրությունը տեղի է ունեցել մի քանի օր առաջ՝ Նոր Օռլեանում: 36-ամյա Ուիլյամսը կրել է Alexander McQueen գեղեցիկ հարսանեկան զգեստ: Բացի այդ, հարսնացուն կրել է մոտ 3.5 մլն դոլար արժողությամբ զարդեր:
Նշվում է, որ Նոր Օռլեանում կայացած միջոցառմանը ներկա են եղել բազմաթիվ աստղեր՝ այդ թվում նաև Քիմ Քարդաշյանը, Բեյոնսեն, Ջեյ Զին:
