ԵՐԵՎԱՆ, 28 մայիսի — Sputnik. ՀՀ պաշտպանության նախարար Դավիթ Տոնոյանը լրագրողների հետ զրույցում մեկնաբանել է ՀՀ ԶՈՒ Գլխավոր շտաբի նորանշանակ պետ Արտակ Դավթյանի պրոֆեսիոնալիզմը կասկածի տակ դնելու մասին լուրերը։
Այս նշանակումը զինվորական ու քաղաքացիական որոշակի շրջանակներում բացասաբար է ընկալվել։ Մեկնաբանվում է, որ ԶՈՒ ամենապատասխանատու պաշտոններից մեկը վստահվել է ոչ պատրաստված, ոչ արհեստավարժ զինվորականի։
Տոնոյանը չի համաձայնել այս տեսակետի հետ։
«Եթե 10 տարի Գլխավոր շտաբում աշխատելը գնահատվում է անպատրաստ, ես ասելիք չունեմ»,– ասաց Տոնոյանը։
Հիշեցնենք, գեներալ-մայոր Արտակ դավթյանը ՀՀ ԶՈՒ ԳՇ պետ է նշանակվել 2018–ի մայիսի 24-ին։
