Գյումրեցի Սաթենիկ Գևորգյանը հասավ «Ты супер!» նախագծի եզրափակիչ փուլ, բայց չհաղթեց։ Տաղանդավոր երգչուհին պատմել է իր հետագա անելիքների մասին։
«Ես շարունակելու եմ երգել, ամեն ինչից անկախ` պետք է երգեմ միշտ։ Ու երգելու եմ։ Եվ կգա ժամանակը, որ ես արդեն մեծ բեմի երգչուհի կդառնամ»,– ասաց նա։
Նշենք, որ Սաթիկը մրցույթի եզրափակիչ փուլում երգեց հայտնի շոումեն Գարիկ Մարտիրոսյանի հետ։ «Ты супер!» նախագծի հաղթող ճանաչվեց Ռուսաստանը ներկայացնող Դիանա Անկուդինովան։
Սաթենիկը մինչև 6 տարեկանն ապրել է մոր, հոր և երկու եղբոր հետ։ Ընտանիքին սովից փրկելու համար հայրը մեկնել է արտագնա աշխատանքի և չի վերադարձել։ Այժմ աղջիկն ապրում է նոր ընտանիքում։ Սաթենիկը երգում է յոթ տարեկանից։ Շատ է սիրում երգել։ Անգամ եթե ուսուցիչը ոչ մի առաջադրանք չի տալիս, միևնույն է` նա հոգեհարազատ մի երգ է գտնում ու սկսում է սերտել։
