ԵՐԵՎԱՆ, 27 մայիսի — Sputnik. Հայաստանում դեռ կան պաշտոնյաներ, որոնց մեքենաները շարունակում են չկանգնել լուսացույցի կարմիր լույսի տակ։ Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը։
«Եթե երկրի ղեկավարը՝ վարչապետը այդպես չի վարվում և հրաժարվել է ճռիկ, վռիկներով երթևեկելու մարդկանց նյարդայնացնող պրակտիկայից, մյուս պաշտոնյաները պետք է հասկանային, որ իրենց վարքագծում նույնպես պետք է համարժեք փոփոխություններ տեղի ունենան»,– գրել է Փաշինյանը։
Վարչապետը հույս է հայտնել, որ դա «ընդամենը թյուրըմբռնում է» և որ հուսով է, որ հավելյալ միջոցներ ձեռնարկելու անհրաժեշտություն չի լինի։
