ԵՐԵՎԱՆ, 24 մայիսի — Sputnik. Կոռուպցիոն գործերով հիմքերի առկայության դեպքում որոշ նախկին ու ներկա պաշտոնյաներ կարող են հայտնվել Քննչական կոմիտեի ուշադրության կենտրոնում: Այս մասին այսօր կառավարության նիստից առաջ լրագրողների հետ զրույցում հայտնեց ՔԿ նախագահի տեղակալ Արթուր Ղամբարյանը:
Նա նաև հայտնեց, որ ապրիլյան հեղաշրջման օրերին տեղի ունեցած բռնությունների գործերով նախաքննությունը շարունակվում է, բայց հրաժարվեց բացահայտումների փաստեր ներկայացնել:
Ի դեպ, լրագրողները նաև հետաքրքրվեցին, թե ում լուսանկարն է այժմ կախված Ղամբարյանի աշխատասենյակում: Նա հայտնեց, որ Սերժ Սարգսյանի հրաժարականից հետո նրա լուսանկարը հանել է պատից:
«Այժմ այնտեղ Պարույր Սևակի և Վազգեն Կաթողիկոսի լուսանկարներն են կախված»,- ասաց Ղամբարյանը։
Նա ավելացրեց` այդպես է նպատակահարմար գտել կահավորել իր սենյակը:
