ԵՐԵՎԱՆ, 24 մայիսի — Sputnik. Հայաստանում փաստահավաք առաքելությամբ գտնվող ԵԽԽՎ մոնիթորինգի հանձնաժողովի Հայաստանի հարցերով համազեկուցողներ Յուլիա Լյովոչկինան և Ջուզեպպե Գալատին այսօր այցելել են ՀՀ ԱԺ։ Այս մասին հայտնում է խորհրդարանի պաշտոնական կայքը։
Նրանք առանձին հանդիպումներ են ունեցել ՀՀ ԱԺ բոլոր խմբակցությունների պատգամավորների հետ:
Պաշտոնական հաղորդագրության համաձայն` հանդիպումների ընթացքում կողմերն անդրադարձել են Հայաստանի վերջին քաղաքական զարգացումներին, բարեփոխումների իրականացման ընթացքին, մարդու իրավունքների պաշտպանությանն առնչվող հարցերի:
Քննարկվել են նաև Ընտրական օրենսգրքի փոփոխությանը, Հայաստանում խորհրդարանական արտահերթ ընտրությունների անցկացմանը, նոր կառավարության ծրագրի առաջնահերթություններին վերաբերող հարցեր:
