ԵՐԵՎԱՆ, 15 մայիսի — Sputnik. Թուրքիան Միացյալ Նահանգներից և Իսրայելից հետ է կանչում իր դեսպաններին:
Այս մասին տեղեկացնում է ՌԻԱ Նովոստին։
Պատճառը Գազայի հատվածում իրավիճակի սրումն է, որտեղ սպանվել է ավելի քան 50 պաղեստինցի։ Դեսպաններին հետ կանչելու մասին հայտարարել է Թուրքիայի նախագահ Ռեջեփ Թայիփ Էրդողանը:
«Հանուն մեր պաղեստինցի եղբայրների հետ համերաշխության, Գազայի հատվածում իսրայելցի զինվորների հետ բախումների ընթացքում զոհվածների հիշատակի վաղվանից Թուրքիայում եռօրյա սուգ է հայտարարվում», — ասել է նա:
Բացի այդ, Անկարան խորհրդակցությունների համար Վաշինգտոնից ու Թել Ավիվից իր դեսպաններին հետ է կանչում:
