ԵՐԵՎԱՆ, 13 մայիս — Sputnik. Անհայտ տղամարդը Փարիզում դանակով հարձակվել է պատահական անցորդների վրա: Դեպքը տեղի է ունեցել երեկ՝ մայիսի 12–ի ուշ երեկոյան։ Այս մասին հաղորդում է ՌԻԱ Նովոստին` հղում տալով «Եվրոպա 1» ալիքին։
Հարձակման հետևանքով մեկ մարդ մահացել է, չորս հոգի՝ վիրավորվել: Հանցագործը ևս զոհվել է:
Միջադեպը տեղի է ունեցել Փարիզյան Օպերայի շրջակայքում՝ քաղաքի ամենաակտիվ և մարդաշատ հատվածներից մեկում:
Հարձակում գործողը հարձակվելու պահին «Ալլահ Ակբար» է գոչել:
Ականատեսները վկայում են, որ հանցագործը արտաքինից կլիներ մոտ 20 տարեկան, նման էր Աֆրիկայի հյուսիսային մասի բնակչի:
Նա Չեչնիայի Հանրապետությունից էր: Ոստիկանությանը հաջողվել է պարզել նրա ինքնությունը մատնահետքերի միջոցով:
ISIS Stabbing Attack Kills 1 Injures 4 in Parishttps://t.co/YTlcnVeFxE#France#Paris#StabbingAttack#ISIS pic.twitter.com/FS6h5XoIfD
— Alwaght (@EnglishAlwaght) 13 мая 2018 г.
Ֆրանսիայի ոստիկանությունը կատարվածում ահաբեկչական հետք է տեսնում: Միջադեպը հետաքննում է հակաահաբեկչական դատախազությունը:
Արդեն հայտնի է, որ հանցագործության պատասխանատվությունը վերցրել է «Իսլամական պետություն» ահաբեկչական կազմակերպությունը:
