ԵՐԵՎԱՆ, 13 մայիսի — Sputnik. «Արսենալը» 1։0 հաշվով հաղթեց «Հադերսֆիլդին»:
Անգլիայի առաջնության վերջին՝ 38-րդ տուրում այսօր Լոնդոնի «Արսենալը» հյուրընկալվելիս նվազագույն հաշվով հաղթել է «Հադերսֆիլդին»:
«Զինագործների» կազմում ամբողջ հանդիպմանն է մասնակցել հայ կիսապաշտպան Հենրիխ Մխիթարյանը:
Հանդիպման 38-րդ րոպեին Աարոն Ռեմսիի փոխանցումից հետո գնդակն անպաշտպան դարպասն է ուղարկել Պյեր-Էմերիկ Օբամեյանգը:
Ընթացիկ մրցաշրջանի արդյունքներով «Արսենալը» 6-րդ տեղում է, որը տալիս է Եվրոպա լիգային մասնակցելու հնարավորություն:
Հիշեցնենք, որ սա մարզիչ Արսեն Վենգերի վերջին խաղն էր «Արսենալի» գլխավոր մարզչի պաշտոնում:
