ԵՐԵՎԱՆ, 11 մայիսի — Sputnik. ՀՀ արտգործնախարարության մամուլի խոսնակ Տիգրան Բալայանը արձագանքել է Ադրբեջանի նախագահի երեկ արված հայտարարությանը։ Twitter-ի իր էջում Բալայանը գրել է.
«Խորհրդանշական է, որ հայտարարությունն արվել է Հեյդար Ալիևին նվիրված միջոցառմանը, որը նույն կերպ էր մտածում, բայց խայտառակ պարտություն կրեց: Նույն ճակատագրին է արժանանալու նաև նրա որդին: Հայրը բավականաչափ խելամտություն ուներ դադար առնելու, հրադադար խնդրելու համար: Ադրբեջանի ժողովուրդը կարող է հույս ունենալ, որ խելամտությունը ժառանգականորեն է փոխանցվում»,- ասել է նա:
Հիշեցնենք, որ Ադրբեջանի նախագահ Իլհամ Ալիևը, ելույթ ունենալով Հեյդար Ալիևի ծննդյան 95-ամյակի կապակցությամբ կազմակերպված հանդիսավոր արարողությանը, հայտարարել է, որ «ադրբեջանական դրոշը կծածանվի Շուշիում և Ստեփանակերտում»:
Իլհամ Ալիևը հայտարարել է, որ Ադրբեջանի դիրքորոշումն անփոփոխ է և որ «Ադրբեջանի տարածքային ամբողջականությունը չի եղել և չի լինի բանակցությունների թեմա»:
Символично, что заявление сделано на мероприятии, посвященному человеку, который думал также и потерпел полное фиаско. Та же участь ждет и сына. У отца хватило мудрости остановиться, попросить перемирия. Народ Азербайджана может надеятся, что мудрость передается по наследству. pic.twitter.com/BXj8YMLhUC
— Tigran Balayan (@tbalayan) 11 мая 2018 г.
