ԵՐԵՎԱՆ, 8 մայիսի — Sputnik. Կանադացի մարզիչ Բրայան Օրսերը պատմել է` ինչպես է Եվգենյա Մեդվեդևա-Բաբասյանի մարզիչը դառնալու առաջարկություն ստացել, ու ինչպես է նա աշխատելու աշխարհի ու Եվրոպայի կրկնակի չեմպիոնի հետ։
Նախօրեին Եվգենյա Մեդվեդևան հայտնել էր, որ հեռանում է Էթերի Տուտբերիձեից Բրայան Օրսերի մոտ ու տեղափոխվում է Կանադա։
Icenetwork.com հարթակի հետ զրույցում Օրսերը մանրամասն ասել է` ինչպես է իմացել Մեդվեդևայի որոշման մասին ։
Պարզվում է` ապրիլի 2-ին կանադացին Մեդվեդևայից հաղորդագրություն է ստացել այն մասին, որ ուզում է աշխատել նրա հետ։ «Ես ապշած էի, — ասել է նա, — իմ օգնական Թրեյսի Ուիլսոնին ասացի` չես հավատա»։
Օրսերն ասել է, որ հանդիպել է Մեդվեդևայի ու նրա մոր` Ժաննայի հետ ապրիլի 22-ին Սեուլում, որտեղ գեղասահորդուհու մասնակցությամբ շոու էր անցկացվում։ «Նա ինձ ասաց` ուզում եմ մարզչիս փոխել։ Չպարզաբանեց` ինչու։ Ես միանգամից հարգեցի նրան, քանի որ նա ասաց. «Չեմ ուզում ոչ մի վատ բան ասել իմ մարզիչի հետ ներկայիս իրավիճակի մասին», — հայտնել է կանադացին։
Մեդվեդևան դեռ հստակ չի ասել` երբ Ռուսաստանից Կանադա տեղափոխվելու ։ Նա լրագրողների հետ զրույցում սահմանափակվել է անորոշ պատասխանով. «Իմ տեղափոխության հարցերը դեռ լուծված չեն, այդ պատճառով հստակ օր չեմ կարող նշել»։ Իսկ Օրսերն ավելի հստակ է խոսել ժամկետների մասին։ Նա հայտնել է, որ մարզիկը մոր հետ Կանադա է մեկնելու հունիսի վերջին։ Մարզիչը նաև ասել է, ու առաջիկայում գեղասահորդը պետք է վերականգնվի ոտքի վնասվածքից ու մեջքի խնդիրներից ։ «Ես ասացի, որ նա պետք մարմինը առողջ վիճակի հասցնի։ Այնպես որ եթե նա այստեղ գա ու մի երկու շաբաթ սառույց դուրս չգա, ոչ մի սարսափելի բան չկա», — ընդգծել է նա։
Աշխարհի ու օլիմպիական չեմպիոնների հետ աշխատած մասնագետի խոսքով` Մեդվեդևան համագործակցելու է պարուսույց Դևիդ Ուիլսոնի հետ, որը բեմադրել է 2010 թվականի օլիմպիական չեմպիոն, կորեացի Կիմ Յունայի ելույթը։
«Նա նորից կբացահայտի իրեն։ Նա հիանալի տիտղոսներ ունի, սակայն զգում եմ, որ կարող շատ ավելիին հասնել», — հայտնել է Օրսերը։
Օրսերը նաև ընդգծել է. «Որ նա ձգտում է հաղթել 2022 թվականի Օլիմպիադայում, շատ կարևոր հաղորդագրություն է բոլորի համար, դա այն է, ինչին մենք ձգտելու ենք։ Սակայն դա չի նշանակում, որ նա պետք է հաղթի աշխարհի յուրաքանչյուր առաջնությունը»։
«Ամենակարևոր բանը, ինչ հարկավոր է Մեդվեդևային, որ նա սեփական գեղասահքում ձայնի իրավունք ունենա, — հավելել է նոր մարզիչը։–Մենք քննարկում էինք նրա հետ երաժշտությունը, թե որ ուղղությամբ ենք ուզում շարժվել։ Նախկինում նա չէր կարող իրեն այդպիսի շքեղություն թույլ տալ։ Նա ասաց, որ իրեն ասում էին. «Դու սահում ես սրա տակ, սա է քո պտույտների հերթականությունը, իսկ սրանք են պտույտների քո դիրքերը»։
Միաժամանակ կանադացին Մեդվեդևային համեմատել է իր նախկին սան Կիմ Յունայի հետ ու հայտնել, որ ռուսաստանցու մեջ տեսնում է «մոլեգին մարտիկի, որը Կիմ Յունայի պես շատ նպատակասլաց է»։
