ԵՐԵՎԱՆ, 1 մայիսի — Sputnik. «Հայաստանի Հանրապետական» կուսակցություն խմբակցության պատգամավորներից մեկն այսօր վայր է դրել պատգամավորական մանդատը։
Sputnik Արմենիայի աղբյուրի հավաստմամբ` այդ պատգամավորը Գրիգոր Ավալյանն է Տավուշի Մարզի Մովսես գյուղից։ Նա անկուսակցական է, 2017թ. ապրիլի 2-ի ԱԺ պատգամավոր է ընտրվել ՀՀԿ թիվ 13 ընտրատարածքի տարածքային ընտրական ցուցակով:
Լուրի իսկությունը ճշտելու համար Sputnik Արմենիայի թղթակիցը դիմեց ՀՀԿ խմբակցության պատգամավոր Էդուարդ Շարմազանովին։ Վերջինը չհաստատեց, բայց և չհերքեց լուրը. «Ես նման ինֆորմացիայի չեմ տիրապետում»,–ասաց Շարմազանովը։
