Իսկ Իշխան Զաքարյանի բացակայության պատճառի մասին Զոհրաբյանը տեղյակ չէր: «Քարտուղարությունը մերժեց ընդունել գրավոր դիմումները՝ ասելով, որ ընդունելի է համարվում միայն այն տեղեկանքը, որը տրված է ԱԺ-ի կողմից գործուղման մեջ գտնվելու դեպքում»,- ասաց ԱԺ «Ծառուկյան» խմբակցության պատգամավոր Զոհրաբյանը`ԱԺ–ում լրագրողներին հետ զրույցում։
Հիշեցնենք, մինչ ԱԺ հատուկ նիստը խմբակցության ղեկավար Գագիկ Ծառուկյանը հայտարարել էր, որ «Ծառուկյան» խմբակցությունը քվեարկելու է միաձայն:
«Ինչպես ասել է պարոն Ծառուկյանը, այդպես էլ խմբակցությունը քվեարկելու է՝ միաձայն: Բայց մարդիկ ունեն հիվանդ լինելու իրավունք, ունեն օրինական բացակայության իրավունք»,- ասաց Զոհրաբյանը՝ վստահություն հայտնելով, որ Իշխան Զաքարյանի բացակայությունը որևէ այլ ենթատեքստ չունի:
Նշենք, որ «Ծառուկյան» խմբակցության 31 պատգամավորներից այսօր ԱԺ հատուկ նիստին ներկա են 29-ը: Սա նշանակում է, որ ընդդիմության ձայները նվազում են ևս 2-ով:
Վարչապետ ընտրվելու համար Նիկոլ Փաշինյանին հարկավոր է ստանալ 105 պատգամավորների մեծամասնության քվեն, այսինքն՝ առնվազն՝ 53 ձայն: «Ելքը», ՀՅԴ-ն, «Ծառուկյան» խմբակցությունը միասին ունեն 47 պատգամավոր: Եթե հաշվի առնենք նաև «Ծառուկյան» դաշինքի երկու բացակա պատգամավորների ձայները, Փաշինյանին անհրաժեշտ կլինի ՀՀԿ-ից ստանալ արդեն ոչ թե 5, այլ 7 ձայն:
