Գագիկ Մինասյան
Ո՞վ է լինելու ՀՀԿ խմբակցության թեկնածուն, դեռ հայտնի չէ, այդ հարցը խմբակցությունը չի քննարկել։ Այս մասին Sputnik Արմենիային հայտնեց ՀՀԿ խմբակցության անդամ Գագիկ Մինասյանը։
«ՀՀԿ խմբակցությունը վարչապետի թեկնածուի առաջադրման հարցը կքննարկի խմբակցության նիստում` այսօր կամ վաղը»,- ասաց Մինասյանը։
Անդրադառնալով Նիկոլ Փաշինյանի հայտարարությանը, թե ՀՀԿ-ում կան մարդիկ, որոնք պատրաստ են քննարկել «Ելքի» թեկնածուի օգտին, Մինասյանը պատասխանեց. «Ես տեղյակ չեմ այդպիսի մոտեցման մասին»։
Նա տեղեկություն չունի նաև Հանրապետականի շարքերում առաջացած անհամաձայնությունների և այլ բացասական միտումների մասին։
ԱԺ նախագահ Արա Բաբլոյանն այսօր հայտարարել է, որ վարչապետի ընտրության հարցը կքննարկվի մայիսի 1-ին, ժամը 12:00-ին գումարվող Ազգային ժողովի հատուկ նիստում։
